Ռուս զբոսաշրջիկ կինը փետրվարին Դուբայում հարբած վիճակում հարձակվել է կին ոստիկանի վրա, կծել է նրան և գլխով ջարդել ոստիկանական մեքենայի պատուհանը: Դեպքը տեղի է ունեցել, երբ հյուրանոցի մոտ հարբած վիճակում միմյանց քաշքշող ընկերուհիներին է մոտեցել ոստիկանը և ցանկացել է ձեռնաշղթաներ հագցնել:
Զբոսաշրջիկ կնոջը մեղադրանք է առաջադրվել. դատարանում նա ընդունել է իր մեղքը: Դատավճիռը կկայացվի ապրիլի 29-ին: Ընդ որում, սա ռուս զբոսաշրջիկների պահվածքը բնութագրող առաջին դեպքը չէ:
Արտերկրում ռուս զբոսաշրջիկների սանձարձակ պահվածքի մասին դրվագներ է ներկայացնում life.ru-ն:
Սեքս լողափին
Թայվանի ռուս զբոսաշրջիկ զույգը սեքսով է զբաղվել լողափին՝ ուշադրություն չդարձնելով հանգստացողների և իրենց նկարահանողների վրա: Սկզբում նրանց մեղադրանք էր առաջադրվել անպատշաճ պահվածքի համար, հետո միայն տուգանք էր նշանակվել:
Մորեմերկ զբոսանք
Անցյալ տարվա փետրվարին Պաթայայում ռուս զբոսաշրջիկը դանակով և ձեռքին փաթեթ՝ մերկ շրջել է քաղաքի կենտրոնում և հայհոյելով փորձել փախչել իրեն ձերբակալել փորձող ոստիկաններից:
Տեղ չհասած
Այս զբոսաշրջիկը մինչև Թայլանդի մայրաքաղաքում վայրէջք կատարելը վեճ ու կռիվ է սարքել ինքնաթիռում զուգարանի համար հերթի պատճառով:
«Մերոնց են ծեծում»
Անցած տարի օգոստոսին Անթալիայում ռուսները կռվի էին բռնվել ոստիկանների հետ: Արդյունքում զբոսաշրջիկներից մեկը հայտնվել էր հիվանդանոցում:
Երբ նրանք միմյանց են ծեծում
2016թ. սեպտեմբերին Այա Նապեում ձերբակալել էին 28-ամյա ռուս զբոսաշրջիկի՝ իր ընկերոջը ծեծելու համար: Տուժածին գլխուղեղային վնասվածքով տեղափոխել էին հիվանդանոց:
«Հաջորդ կանգառում պահեք»
Մոսկվա-Նյու Դելի չվերթի ժամանակ ալկոհոլ օգտագործած ռուս զբոսաշրջիկը փորձել է իջնել ինքնաթիռից: Վայրէջքից հետո նա ձերբակալվել էր: Նրան տուգանել էին 50 հազար ռուփի:
