«Ընդդեմ կանանց նկատմամբ բռնության» կոալիցիան այսօր բողոքի երթ անցկացրեց՝ ազդարարելով ընդդեմ գենդերային բռնության ակտիվության 16-օրյակի մեկնարկը:
Երթը սկսվեց Տերյան փողոցից և ավարտվեց Սիրահարների այգու մոտ:
Երթի մասնակիցները շարժվեցին Երևանի կենտրոնական մի շարք փողոցներով, թռուցիկներ բաժանեցին քաղաքացիներին՝ Ազգային ժողովին կոչ անելով ընդունել «Ընտանեկան բռնության դեմ» օրենքի նախագիծը:
Երթի ընթացքում հրապարակախոս Զարուհի Հովհաննիսյանը դիմելով մեր համաքաղաքացիներին՝ ասաց. «Հայաստանի Հանրապետությունում կանանց 25 տոկոսը ենթարկվում է ընտանեկան բռնության: Չնայած ադ փաստին՝ մեր կառավարությունը հունվար ամսին մերժել է ընդունել ընտանեկան բռնության դեմ օրենքը, այդ իսկ պատճառով մենք այսօր բարձրաձայնում ենք այդ հարցը՝ ոչ ոք և ոչինչ չի արդարացնում բռնությունը»:
Վերջում մասնակիցները, շարժվելով Ազգային ժողովի մոտով, ճաղերի վրա թռուցիկներ փակցրեցին՝ «Ընդունեք ընտանեկան բռնության դեմ» օրենքի նախագիծը գրությամբ:
Լուսանկարը` PanARMENIAN Photo-ի
