Հայաստանի նոր քաղաքական մշակույթ կուսակցության հիմնադիր և ղեկավար Անի Զախարյանի հրավիրած հանրահավաքը կայացավ: Նոյեմբերի 24-ին Երևանում հանրահավաքի մասնակիցների առջև իր ելույթում Զախարյանը նշեց, որ հարկավոր է այսօր, գիտակցելով այս ահավոր իրավիճակը, որ ստեղծվել է մեր երկրի առջև, մենք՝ քաղաքացիներս այնքան խելացի գտնվենք, որ հասկանանք՝ հարկավոր է ոտքի կանգնել, և համառ, աշխույժ ձևով պայքար մղել մեր նպատակին հասնելու համար: Այստեղ, ըստ կուսակցության ղեկավարի, իր կամ որևէ մեկի հարցը չէ, բոլորիս հարցն է, սա համաժողովրդական ազգային շարժում է լինելու, և հերոսը լինելու է ՀՀ քաղաքացին:
«Եթե դուք ընտանիքում ունեք խնդիր, ո՞ր մի հարևանը իր խնդիրը թողած՝ կգա և կզբաղվի ձեր ընտանիքի խնդիրներով, իսկ մեր պետությունը մեծ ընտանիք է, և ինչու՞ ենք մենք այդքան միամիտ գտնվում, որ մտածում՝ ՌԴ-ն իր խնդիրները, դարդուցավը թողած՝ մտածում է՝ ինչ անեմ, որ հայը լավ ապրի»,- ասաց նա:
Զախարյանի համոզմամբ՝ պետք է գիտակցենք՝ միմիայն մենք կարող ենք այդ խնդիրը լուծել, իսկ դրա համար նա առաջարկում է անցկացնել ստորագրահավաք, դրանով պայքարել իշխող վերնախավի դեմ:
Եթե ստորագրահավաքն արդյունք չտա, նա առաջարկում է խմբերի բաժանվել. մի խումը դուրս կգա քաղաքապետ Տարոն Մարգարյանի, մեկը՝ ԿԳ նախարար Արմեն Աշոտյանի, մեկը՝ տանսպորտի և կապի նախարար Գագիկ Բեգլարյանի դեմ, իսկ նախագահ Սերժ Սարգսյանի հարցերը նա վերցնում է հենց իր վրա:
Մանրամասները՝ տեսանյութում:
