Մոսկվայի կենտրոնում հնագետները գանձ են գտել: Արբատում պեղումների ժամանակ գտնվել են 19-րդ դարասկզբի արծաթյա զարդեր, խաչ և սպասքի առարկաներ:
Մասնագետների խոսքերով՝ Մոսկվայի կենտրոնում նմանատիպ գտածոներ չեն եղել մի քանի տարի: Գիտնականների խոսքով՝ հայտնաբերվել են «համալիր իրեր»՝ սրբապատկերներ, թեյի և ճաշի գդալներ, դանակների պատյաններ: Նրանք հողի տակ են մնացել մոտ 200 տարի: Հայտնի չէ, թե ով է դրանք այդտեղ թաղել, իսկ այժմ գիտնականները միայն ենթադրություններ են անում:
«Մենք ենթադրում ենք, որ այս իրերն այստեղ են բերել հրդեհից հետո այստեղ բնակվող հրշեջները»,-ասել է հնագետներից մեկը:
Կես մետր խորության վրա հնագետները նաև հայտնաբերել են շինարարության հիմքի մաս և պատեր: Աղյուսները վկայում են, որ շինությունը հաճախ է վերակառուցվել: Ընդ որում, նյութն օգտագործվել է երկրորդ անգամ. այդ հատվածում տնտեսական կառույցներ են եղել՝ ախոռ, մառան և պահեստ՝ գործիքների համար: