ՄԱԿ–ի փորձագետները զեկույց են հրապարակել, որի համաձայն կենսաբազմազանությունը աշխարհում զգալիորեն կկրճատվի արդեն 2050 թվականին։
Զեկույցում լուսաբանվում է այնպիսի տարածաշրջանների էկոհամակարգերին սպառնացող վտանգը, ինչպիսիք են Եվրոպան, Հյուսիսային և Հարավային Ամերիկան, Աֆրիկան, Կենտրոնական Ասիան և Ասիական–Խաղաղօվկիանոսյան տարածաշրջանը։ Կենսաբազմազանության համար հիմնական վտանգը կլիմայի փոփոխությունն է ներկայացնում։
Հարավ––Արևելյան Ասիայում 2050 թվականին մոտ կանհետանա մարջանների 90%-ը, նույնիսկ եթե հաջողվի դանդաղեցնել գլոբալ տաքացումը։ Արդեն 2048 թվականին տարածաշրջանում ձկնային պաշարներ չեն մնա, եթե արդյունաբերական որսն այս տեմպերով շարունակվի։
2100 թվականին արդեն Աֆրիկայում անհետացած կլինեն թռչունների և կաթնասունների տեսակների կեսից ավելին։ Աֆրիկյան լճերի չորացումը կբերի բույսերի շատ տեսակների անհետացման։
Գիտնականները նշում են, որ Ամերիկան հայտնաբերելուց հետո տեսակների բազմազանությունը տարածաշրջանում կրճատվել է 31%–ով։ 2050 թվականին այդ թիվը արդեն կհասնի 40%–ի։ Այս ամենը իր ազդեցությունը կունենա նաև տեղի ժողովուրդների վրա։ Ամերիկայի լեզուների և մշակույթների ավելի քան 60%-ին ոչնչացում է սպառնում։
