Ավստրիական խորհրդարանի պատգամավորները հրաժարվել են օրինականացնել բարերում և ռեստորաններում ծխելու արգելքը, որը պետք է ուժի մեջ մտներ 2018 թվականի մայիսից։ Պատգամավորները հրաժարվել են կողմ քվեարկել այս արգելքին, չնայած այն հանգամանքին, որ հակածխախոտային արշավի ակտիվիստները այս նախաձեռնությանն աջակցող 545 հազար ստորագրություն էին հավաքել։ Այս մասին գրում է Die Presse լրատվամիջոցը։
Այնուհանդերձ, ինչպես նշում է Die Presse-ն, «քննադատներին հանգստացնելու նպատակով» պատգամավորները կողմ են քվեարկել ծխախոտի վաճառքի ավելի խիստ օրենքներին (գնորդների նվազագույն տարիքը բարձրացրել են մինչև 18 տարին) և արգելել են ավտոմեքենաներում՝ անչափահասների ներկայությամբ ծխելը։ Այս նորամուծությունները ուժի մեջ են մտնելու 2019 թվականից։
