Ամստերդամի Oosterpark զբոսայգում հավաքվող հարբեցողները փողոցները կմաքրեն, փոխանցում է Agence France-Presse-ը:
Աշխատանքի համար նրանք 10 եվրո, կես տուփ ծխախոտ և հինգ շիշ գարեջուր կստանան՝ երկուսը աշխատանքի սկզբում, երկուսը ճաշին և մեկը` աշխատանքից հետո:
«Ծիածան հիմնադրամ» ծրագրի ղեկավար Ջերի Հոլթերմանը մեկնաբանել է իրադրությունը. «Հարբեցողները շատ խնդիրներ են ստեղծում՝ վեճեր, աղմուկ, կանանց են հետապնդում: Այս ծրագրի նպատակը նրանց ինչ-որ գործով զբաղեցնելը և դրանով իսկ նրանց առաջացրած խնդիրներից ազատվելն է»:
Հարբեցողներին 10 մարդուց բաղկացած երկու խմբի կբաժանեն, իսկ յուրաքանչյուր խումբ շաբաթը երեք օր կաշխատի:
