Եգիպտոսի նախագահի պարտականությունները կատարող Ադլի Մանսուրը մտադիր չէ առաջադրել իր թեկնածությունը 2014թ. նախագահական ընտրություններին: Այս մասին հաղորդում է Interfax-ը՝ վկայակոչելով քուվեյթյան «Ալ-Սիյասա» թերթը:
«Ո՛չ, ես կվերադառնամ իմ պաշտոնին և Եգիպտոսի Սահմանադրական դատարանում աշխատանքիս»,- ասել է Մանսուրը:
Ավելի վաղ Եգիպտոսի ՆԳ նախարար Նաբիլ Ֆահմին հայտարարել է, որ երկրի նոր նախագահի ընտրությունները տեղի կունենան հաջորդ տարի ամռան սկզբին: Նա նաև նշել է, որ խորհրդարանական ընտրությունները տեղի կունենան 2014թ. փետրվարից մարտ ընկած ժամանակահատվածում:
