«Փաստաբանների և լրագրողների աշխատանքում ես շատ նմանություն եմ տեսնում»,-այսօր «Եվրոպայի խորհրդի անդամ պետությունների փաստաբանական միությունների և իրավաբանական համայնքների ընթացիկ մարտահրավերները և համագործակցության հնարավորությունները» խորագրով համաժողովի ժամանակակ իր ելույթում ասաց միջազգային իրավունքի մասնագետ Արա Ղազարյանը։ Նրա խոսքով՝ երկուսն էլ հասարակության համար չափազանց մեծ առաքելություն են իրականացնում։
«Փարիզի Փաստաբանների պալատը գտնում է, որ փաստաբանները լրագրողների նման ժողովրդավարության հսկող շներ են։ ՄԻԵԴ-ն էլ փաստաբանին համարում է միջնորդ դատարանի և հասարակության միջև հետևաբար նա ունի կարևոր դերակատարություն դատարանի հեղինակությունը հասարակության աչքերում բարձրացնելու հարցում։ Բայց միևնույն ժամանակ հասարակությունը պետք է հավաստիանա, որ փաստաբանը կատարում է իր առաքելությունը»,-նշեց Ղազարյանը։
«ՄԻԵԴ-ը իր վճիռներից մեկում ասում է, որ փաստաբանը որպես կանոն պետք է գործի եռանդուն։ Բայց գալիս է մի պահ, երբ փաստաբանը մնում է մենակ և պետք է որոշի՝ գործել ի շահ իր պաշտպանյալի, թե ենթարկվել կանոնի։ Կարևորը, սակայն, նպատակն է։ Մենք կարգապահական վարույթները քննելիս երբեմն կարող ենք անտեսել առերևույթ խախտումը փաստաբանի կողմից, եթե նրան այլ ելք չէր մնում»,-ասաց Ղազարյանը՝ հիշատակելով փաստաբան Արայիկ Պապիկյանի գործը։
Առավել մանրամասն՝ տեսանյութում
