Օրերս Ազգային վիճակագրական ծառայությունը հրապարակեց է 2017թ-ի ՀՆԱ-ի (կամ տնտեսական) իրական աճի ցուցանիշը՝ 7.5%, ինչը նկատենք, որ վերջին 10 տարվա կտրվածքով՝ ամենաբարձր ցուցանիշն է։
«Առաջին լրատվական»-ը փորձեց պարզել, թե որքանով է այս ցուցանիշն ազդել մեր համաքաղաքացիների կենսամակարդակի վրա, ինչ փոփոխություն է նկատվել բնակչության սոցիալ-տնտեսական կյանքում։
Երևանի փողոցներում մեր անցկացրած հարցախույզը վկայում է, որ շարքային քաղաքացին չի զգում տնտեսական աճի արդյունքները․ հարցմանը մասնակցած քաղաքացիներից շատերը արժանահավատ չհամարեցին պաշտոնական վիճակագրությունը, իսկ ոմանք էլ նշեցին, որ սպառողական շուկայում արձանագրված գնաճն ու քաղաքացիների եկամուտները որևէ կերպ միմյանց համադրելի չեն։
«Սաղ դզած-փչած թվեր ա․ տնտեսական 7․5 տոկոսը ոչ թե դեպի վերև ա, այլ ներքև, գնալով սկում ենք»,- շեշտեց քաղաքացիներից մեկը։
Մեկ ուրիշն էլ իր հերթին նկատեց․
«Որ 7․5 տոկոս աճ լիներ, մարդիկ հիմա պիտի միլիոնատեր լինեին, ինչ աճ, ինչ փոփոխություն, հերթական աչքկապությունն ա»։
Մանրամասները՝ տեսանյութում։
