Գեորգի Մարգվելաշվիլիի` Վրաստանի նախագահի պաշտոնին անցնելուց հետո «երկրում նոր դարաշրջան է սկսվում»: Այս մասին գրում է Interfax-ը` մեջբերելով Վրաստանի վարչապետ Բիձինա Իվանիշվիլիի խոսքերը:
«Շնորհավորում եմ Վրաստանի ժողովրդին այսօրվա կապակցությամբ, երկրում նոր դարաշրջան է սկսվել, ավարտվեցին ավտորիտար ռեժիմի ժամանակները` հիմնված բռնության և ստի վրա»,- ասել է Իվանիշվիլին:
Նրա խոսքերով` «այսուհետ Վրաստանում կտիրի իսկական ժողովրդավարություն»:
«Վրաստանն այժմ իսկական ժողովրդավար նախագահ ունի, և կունենա իրական ժողովրդավարական կառավարություն»,- նշել է նա: