Այժմ գյուղատնտեսությամբ զբաղվողների համար սկսվում է բուռն աշխատանքային շրջանը, որի բերած եկամտով են գյուղացիները ապրելու են տարվա մյուս ամիսներին։ Գյուղմթերքների մշակմամբ և վաճառքով զբաղվող գյուղացիների խոսքով՝ մրգերի և բանջարեղենի գների փոփոխություն, անցյալ տարվա այս ժամանակահատվածի համեմատ, չի նկատվում։
Ծիրանն այս տարի էլ քիչ է, հետևաբար՝ թանկ. ծիրանի միակ կիլոգրամն արժե 2000 դրամ։ Ծիրանի բերքատվության պակասը պայմանավորված է կարկուտով և առած տեղացած անձրևներով։ Կարկուտը և անձրևը բերքին վնաս չեն հասցրել միայն Արարատում և Արտաշատում։
Օրեցօր էժանանում է բանջերեղենը, ինչը պայմանավորված է այն բանով, որ այժմ շուկայում վաճառվում է ոչ միայն ջերմոցային պայմաններում մշակված, այլև դաշտի բանջարեղենը։ Վարունգն արժե 200 դրամ, լոլիկը՝ մինչև 350 դրամ։
Գյուղատնտեսների կանխատեսմամբ՝ բանջարեղենի գները կշարունակեն ընկնել մինչև վերջնականապես կսպառվի ջերմոցային բերքը։
Ամռան վերջին ամիսներին սպասվում է բանջարեղենի թանկացում նաև այն պատճառով, որ օրեր առաջ տեղացած կարկուտը վնասել է հենց դաշտային գյուղմթերքին։
Այս տարի շատ էժան է լինելու դեղձը՝ բերքատվության շատ բարձր լինելու շնորհիվ։ Խաղողը անհամեմատ քիչ է, ուստի թանկ է լինելու։
