Կոստա-Ռիկայում դենգե տենդով վարակվածների թիվը հասել է ամենաբարձր մակարդակի այն ժամանակից ի վեր, երբ 1993թ. երկրում գրանցվեց այս հիվանդության առաջին դեպքը: Ինչպես հաղորդում է ITAR-TASS-ը՝ վկայակոչելով երկրի Առողջապահության նախարարության տվյալները, տարեսկզբից հանրապետությունում ավելի քան 46.7 հազար մարդ վարակվել է տենդով:
Առողջապահության նախարարության ներկայացուցիչ Մարիա Տրեխոսը հայտնել է, որ վերջին շաբաթվա ընթացքում գրանցվել է դենգե տենդի վարակման 665 նոր դեպք: Կոստա Ռիկայի սանիտարական ծառայության տվյալներով՝ այս տարի երկրում վարակվածների թիվը հասել է ռեկորդային մակարդակի:
Ստեղծված իրավիճակում սանիտարական մարմիններին ամենից շատ մտահոգում է երեխաների շրջանում հիվանդության թվի աճը: Մինչև հիմա գրանցվել է մահվան մեկ դեպք: Կոստա Ռիկայի իշխանությունները լայնամասշտաբ օպերացիա են անցկացնում՝ մարդկանց վտանգավոր հիվանդությունից պաշտպանելու համար:
Մեքսիկայում և Կենտրոնական Ամերիկայի երկրների մեծ մասում ևս գրանցվել է հիվանդության կտրուկ աճ: Այս պետություններում հիվանդացել է ավելի քան 170 հազար մարդ:
