Երեկ ՀՀ ՏՄՊՊՀ-ն մանկապարտեզներին, մանկատներին և ծերանոցներին սնունդ մատակարարող «Երեքնուկ», «Սեար գրուպ», «Ամարաս Յուս» ընկերություններին տուգանել է 15 մլն-ական դրամով:
Այս մասին գրում է «Ժողովուրդ» օրաթերթն ու բացատրում. «Օրինակ՝ «Ամարաս Յուս»-ը թիվ 38 մանկապարտեզում հաղթել է մատակարարման մրցույթում, սակայն հրաժարվել է ծառայություն մատուցել՝ զիջելով 2-րդ տեղը զբաղեցրած «Սեար գրուպ»-ին: Արդյունքում՝ թթվասեր մատակարարելու համար պետությանը ներկայացվել է 740 դրամին համարժեք գնային առաջարկ, սակայն մատակարարվել է 1500 դրամով: «Ժողովուրդ»-ը պարզել է, որ «Երեքնուկ»-ի, «Սեար գրուպ»-ի և «Ամարաս Յուս»-ի տնօրենը նույն մարդն է՝ Յուրա Ադյան:
Ըստ թերթի լավատեղյակ աղբյուրների՝ նա արմատներով Լեռնային Ղարաբաղի Մարտակերտի շրջանի Ղազարահող գյուղից է, և նրա համար Արցախի իշխանությունները ամենաբարձր մակարդակով միջնորդել են, որ «շատ չնեղացնեն»:
Հոդվածն ամբողջությամբ՝ կարդացեք «Ժողովուրդ» օրաթերթի այսօրվա համարում:
