Փենսիլվանիայի Patriot-News թերթը 150 տարի անց ներողություն է խնդրել իր խմբագրականի համար, որը ԱՄՆ նախագահ Աբարահամ Լինքոլնի Գեթիսբերգյան ելութն անվանել էր «հիմարություն», հայտնում է BBC-ի ռուսական ծառայությունը:
Պարբերականի ներկայիս խմբագրությունը հայտարարել է, որ 1863 թ. նոյեմբերին հրապարակված հոդվածի հեղինակը չի հասկացել, թե որքան կարևոր, նշանակալի է եղել ԱՄՆ նախագահի ելույթը:
Հյուսիսի ու Հարավի միջև քաղաքացիական պատերազմի ժամանակ Լինքոլնը Գեթիսբերգում ճառ է արտասանել՝ կոչ անելով բոլոր ամերիկացիներին իրական ազատության ու հավասարության:
Փենսիլվանիայի ԶԼՄ-ն ավելի վաղ հայտնի էր որպես The Patriot and Union ու քաղաքացիական պատերազմի տարիներին հանդես է եկել Հարավի կողմից:
