Լրագրողները հարցում են անցկացրել ավելի քան 840 կանանց շրջանում, ովքեր աշխատում են համաշխարհային կինոարդյունաբերության էպիկենտրոնում՝ գործընկեր տղամարդկանց կողմից նրանց նկատմամբ հետաքրքրվածության վերաբերյալ։ Հարցվածների մեծ մասը հայտարարել է, որ գոնե մեկ անգամ իրենց նկատմամբ սեռական ոտնձգություններ են եղել։
Հարցմանը մասնակցել են կանայք, ովքեր աշխատում են որպես պրոդյուսերներ, դերասանուհիներ, ռեժիսորներ և սցենարիստներ։ Նրանց մեծ մասն ասել է, որ նման երևույթներ նկատել են հիմնականում ավելի ազդեցիկ, տարիքով տղամարդկանց կողմից։ Շատ դերասանուհիներ խոստովանել են, որ հաճախ, լսումների ժամանակ, իրենց խնդրել են հանվել՝ առանց նախազգուշացման։
Հարցվածների 21 տոկոսը խոստովանել է, որ առնվազն մեկ անգամ «ստիպված են» եղել սեքսով զբաղվել աշխատավայրում։ Ընդ որում, հարցվածների միայն 10 տոկոսն է որևէ մեկին պատմել այդ ոտնձգությունների մասին։ Շատերը վախեցել են, որ նման բողոքը կկործանի իրենց կարիերան։
