ԱՄՆ տիեզերական NASA գործակալության MAVEN հետազոտական առաքելության (նպատակ ունի հետազոտել Մարսի մթնոլորտի և կլիմայի փոփոխությունները) աշխատակիցները ներկայացրել են հայեցակարգային տեսանյութ, որում ցուցադրվում է, թե ինչպիսին կարող էր լինել Մարսը 4 միլիարդ տարի առաջ: Այս մասին հայտնում է MigNews-ը:
Տեսանյութում երևում են բոլոր փոփոխությունները, որոնք տեղի են ունեցել մոլորակի վրա 4 մլրդ տարվա ընթացքում: Ցուցադրվում է գետերի ու լճերի անհետացումը:
Տեսանյութում կիրառվել են այն տվյալները, որոնք գիտնականները ստացել են Կարմիր մոլորակի մակերևույթի հետազոտման ժամանակ, օրինակ՝ այն, որ Մարսում կան ջրանցքներ ու խառնարաններ, որոնցում, ըստ ամենայնի, լճեր են եղել:
