Վերջին շրջանում Հոլանդիան գնալով ավելի ու ավելի շատ է հիշեցնում թմրապետություն, որտեղ ուժայիններն ի զորու չեն պայքարել թմրանյութերի աճող սև շուկայի դեմ։
Ինչպես գրում է The Guardian-ը, պաշտոնական տվյալներով,երկրում հանցագործությունների թիվը նվազում է, սակայն ոստիկանները հաստատում են, որ շատ զոհեր պարզապես դադարել են դիմել ոստիկանությանը, իսկ հանցավոր կազմակերպություններին, ըստ էության, տրված է գործողությունների լիարժեք ազատություն։
«Ներկայիս մարդկանցով և ռեսուրսներով կարելի է պայքարել միայն 9 հանցավոր խմբերից մեկի դեմ»,-նշվում է երկրի ոստիկանական ասոցացիայի զեկույցում, որը հայտնվել է De Telegraaf պարբերականի տրամադրության տակ։
Նկատվում է հետևյալ միտումը, երբ մանր հանցագործները վերածվում են հարուստ ձեռնարկատերերի, ովքեր այնուհետև մուտք են գործում հյուրանոցային կամ զբոսաշրջային բիզնես, ինչպես նաև բնակարանային շուկա։
«Նիդերլանդները շատ ցուցանիշներով համապատասխանում է թմրապետության։ Իրավապհները նշում են զուգահեռ տնտեսության ակտիվ զարգացումը»,-ասվում է զեկույցում, որը հիմնված է 400 ոստիկանների հետ զրույցների վրա։ Դրանում ընդգծվում է, որ երկրին չի բավականացնում առնվազն 2000 ոստիկան։
Մարիխուանայի և մարմնավաճառության օրինական կարգավիճակը դարձնում է երկիրը մարդկանց և թմրանյութերի առևտրի կենտրոն։ Այսպիսով՝ Եվրոպայում և ԱՄՆ-ում առգրավված էքստազիի մեծ մասն արտադրված է երկրի հարավում, իսկ առգրավված կոկաինի կեսը ներմուծվում է Ռոտերդամի նավահանգստով։
