Իրենց լուսանկարելու ու սեփական լուսանկարները հանրությանը ներկայացնելու սիրահարների համար ստեղծվել է նոր հավելված: Հավելվածի ստեղծումը մասամբ ֆինանսավորել է փոփ-երգիչ Ջասթին Բիբերը՝ հայտնում է BBC-ի ռուսական ծառայությունը:
Shots of Me ծրագիրը օգտագործում է նորաձևության միտումները, երբ մարդիկ սմարթֆոնով լուսանկարում են իրենց ՝ ձգված ձեռքի հեռավորությամբ:
Հավելվածը մշակվել է RockLive ընկերության կողմից, որին ֆինանսապես աջակցել է նաև բռնցքամարտիկ Ֆլոյդ Մեյուեզերը:
Բիբերը համալրել է աստղերի այն երկար շարքը, ովքեր որոշել են գումարներ ներդնել սոցիալական ցանցերում:
RockLive-ի ղեկավար Ջոն Շահիդին TechCrunch կայքի հետ զրույցում ասել է, որ 19-ամյա երգիչը շահագրգռված է նախագծի գաղափարով, քանի որ մյուս սոցցանցերը նրան «նյարդայնացրել են»:
