Մեծ Բրիտանիայի բնակիչ Ջեյմս Հիլն իր այգում կատվային շնաձուկ է հայտնաբերել։ Այս մասին հայտնում է Mirror-ը։ Դեպքը տեղի է ունեցել Քենթ կոմսությունում։
Տղամարդու խոսքով՝ ծովային գիշատչին նկատել է իր հայրը։ Հիլը խոհանոցում է գտնվել, երբ զարմացած հայրը ներս է մտել և հայտնել, որ հետնաբակում շնաձուկ կա։
Ենթադրաբար, այն կարող էր հայտնվել այգում ճայի կամ ձկնկուլի պատճառով։ Ըստ ամենայնի, թռչունը չի կարողացել պահել այն և ցած է գցել։
Բրիտանացին նշել է, որ շնաձկան երկարությունը կազմել է մոտ 60 սմ։ Հայտնաբերման պահին այն արդեն սատկած է եղել։
Այդ տեսակի շնաձկները մարդկանց համար վտանգ չեն ներկայացնում։
