Վրաստանի ներքին գործերի նախարարությունը տեղեկացրել է Իրանի 4 քաղաքացիների ձերբակալության մասին: Նրանցից առգրավվել է թմրանյութերի շատ խոշոր խմբաքանակ: Այս մասին հաղորդում է «Ռադիո Սվոբոդա»-ն:
Հաղորդվում է, որ Թբիլիսիում քրեական ոստիկանության աշխատակիցների կողմից ձերբակալված իրանցիների մոտ հայտնաբերվել է 1,5 կգ հերոին և մեթադոնի խմբաքանակ:
Ինչպես նշվում է՝ խմբաքանակը ամենախոշորն է, որ երբևէ առգրավվել է երկրում:
ՆԳՆ-ի տվյալներով՝ կասկածյալները 1,5 կգ թմրանյութը Վրաստան են տեղափոխել Իրանից՝ վաճառելու համար տեղի անօրինական շուկայում:
Վրաստանում գործում է թմրանյութերի ապօրինի շրջանառության մասին խիստ օրենք: Հաղորդվում է, որ ազատազրկման ժամկետը կախված է թմրանյութերի քանակից և կազմից:
ԶԼՄ-ներին գլխավոր դատախազությունից հայտնել են, որ եթե ձերբակալվածների մեղքը հաստատվի, նմանց կարող է սպառնալ ցմահ ազատազրկում:
