Դուբայում ավարտվել է «Ոսկե նիհարում» ազգային մրցույթը: Պարգևատրվել են այն մասնակիցները, որոնց հաջողվել է կես ամսվա ընթացքում նիհարել: Մրցույթի ժամանակ յուրաքանչյուր կորցրած կիլոգրամը «փոխարինվել է» ոսկով:
1-ից մինչև 5կգ-ով նիհարած մարդիկ յուրաքանչյուր կիլոգրամի դիմաց ստացել են 1 գրամ ոսկի: Եթե մասնակցին հաջողվել է նիհարել 5 կգ-ից ավելի, նա ստացել է կրկնակի՝ 2 գրամ ոսկի կիլոգրամի դիմաց: 10 կգ և ավելի նիհարածների համար նախատեսված էր 3 գրամ ոսկի:
Արդյունքում 29 մարդ առնվազն 15 կգ քաշ է գցել, 5-ը՝ ավելի քան 20 կգ: Հաղթողը 27-ամյա Ահմեդ էլ-Շեյխն է. նա նիհարել է 26 կգ ու ստացել 68 գրամ ոսկի, որն արժե ավելի քան 2700 դոլար:
