Ազգային ժողովն այսօր՝ փետրվարի 16-ին, հրավիրել է արտահերթ նիստ «Ելք» և «Ծառուկյան» խմբակցությունների՝ Հարկային օրենսգրքում փոփոխություններ անելու նախաձեռնությամբ:
«Եթե նույնիսկ գնաճը լիներ 11 տոկոս, դա ճնաժամային իրավիճակ է, և այսօր, փաստորեն, այս քննարկումից հասկանում ենք, որ էդ իրավիճակի հետ կապված բան չունենք անելու»,- հայտարարեց «Ելք» խմբակցության ղեկավար Նիկոլ Փաշինյանը:
Անդրադառնալով կառավարության ներկայացուցչի հարցին՝ «որտեղի՞ց էդ գումարը ճարենք», Փաշինյանն ասաց. «Սա Հայաստանի Հանրապետության հավերժական հարցն է: 2016-ին էլ էիք ասում՝ որտեղի՞ց էդ գումարը ճարեինք, ինչքան կար, առաջնագիծը պահում էինք: Հենց ապրիլյան պատերազմը եղավ, վռազ 5 մլրդ-ը չգիտեմ որտեղից հավաքեցին պետական պաշտոնյաները՝ ռեկետով, սպառնալով, աղաչելով, ու ԳՇ պետի տեղակալը հպարտությամբ ասաց՝ վերջին տարիներին էնքան բան չի արվել, որքան վերջին մեկ ամսում»:
«Ելք» խմբակցության ղեկավարը հարց է բարձրացնում. «Լավ, սա շատ վատ լուծում է, բայց մենք էլ լուծում չունենք: Ո՞րն է ձեր առաջարկած լուծումը»:
Մանրամասները՝ տեսանյութում:
