Վենեսուելան չորրորդ տարին անընդմեջ գրավում է առաջին տեղը Bloomberg-ի կազմած՝ «աշխարհի ամենադժբախտ տնտեսությամբ երկրների» վարկանիշային աղյուսակում։
Գործակալությունը գնահատել է 66 երկրի տնտեսության վիճակը, յուրաքանչյուրին շնորհելով «դժբախտության ինդեքս»։ Վենեսուելայի դեպքում այդ ցուցանիշը հավասար է 1872 միավորի։ Ընդ որում գործակալությունը կանխատեսում է, որ 2018 թվականին իրավիճակը Վենեսուելայում առնվազն երեք անգամով կվատանա։
Աղյուսակում երկրորդ տեղը գրավել է Հարավային Աֆրիկան՝ (1833,1 միավոր), երրորդը՝ Արգենտինան (1827,1 միավոր)։ Չորրորդ տեղում Եգիպտոսն է (1826,4 միավորով), հնգյակը եզրափակում է Հունաստանը՝ 1820,6 միավորով։ Վարկանիշային աղյուսակի թոփ–10-ում են հայտնվել նաև Թուրքիան (1820,6 միավոր), Ուկրաինան (1817,8 միավոր), Իսպանիան (1817,3 միավոր), Բրազիլիան (1815,8 միավոր) և Սաուդյան Արաբիան (1815,4 միավոր)։
«Դժբախտության ինդեքսը հիմնվում է դարավոր հայեցակարգի վրա, ըստ որի, ցածր ինֆլյացիան և գործազրկությունը սովորաբար այն բանի ցուցանիշն են, թե որքանով են լավ ապրում քաղաքացիները»,– բացատրում է գործակալությունը։ Սակայն ցածր գները կարող են վկայել վատ պահանջարկի մասին, իսկ չափազանց ցածր գործզրկության տոկոսը «կաշկանդում է աշխատողներին», ովքեր ուզում են ավելի լավ կազմակերպություններում աշխատանքի ընդունվել։
