Ռուսաստանի Պետդումայի քննարկմանն է ներկայացվել օրենք, որն արգելում է ԱՄՆ դոլարի շրջանառությունը և պահելը Ռուսաստանի տարածքում: Ինչպես հաղորդում է RBK-ն, եթե փաստաթուղթը ընդունվի, ՌԴ քաղաքացիները ստիպված կլինեն մեկ տարվա ընթացքում փակել դոլարային հաշիվները ռուսական բանկերում, իսկ կանխիկ թղթադրամը փոխել ռուբլու կամ այլ արժույթի՝ եվրո, ֆունտ, սթեռլինգ, յուան և այլն:
Մեկ տարին լրանալուց հետո դոլարային հաշիվները մեխանիկորեն կփակվեն, իսկ ոստիկանության, մաքսատան աշխատակիցների, սահմանապահների կողմից հայտնաբերված կանխիկ դոլարը կառգրավվի:
Օրենքն առաջարկում է առգրավված դոլարի դիմաց 30 օրվա ընթացքում փոխհատուցել՝ ըստ գործադիր իշխանության դաշնային մարմնի կողմից սահմանված կարգի:
Օրենքն ուժի մեջ մտնելուց հետո ռուսները չեն կարող ՌԴ տարածքում դոլար գնել, իսկ ոչ կանխիկ դոլար գնելու անհրաժեշտությունը պետք է ապացուցել:
