Վրաստանի նախագահի աշխատակազմի ղեկավար Անդրո Բարնովը հայտարարել է, որ երկրի գործող նախագահ Միխեիլ Սաակաշվիլին նորընտիր նախագահ Գեորգի Մարգվելաշվիլիի երդմնակալության միջոցառմանը մասնակցելու հրավեր դեռևս չի ստացել՝ հաղորդում է «Նովոստի-Գրուզիան»:
Ավելի վաղ Վրաստանի արտգործնախարար Մայա Փանջիկիձեն հայտարարել է, որ Սաակաշվիլիին կհրավիրեն Մարգվելաշվիլիի երդմնակալության միջոցառմանը:
«Եթե նախագահը համոզված լինի, որ ապագայում երկրի անկախությունը կամրապնդվի, ենթադրաբար, նա կգնա երդմնակալությանը: Եթե հակառակը տեղի ունենա, այդ դեպքում չի բացառվում, որ նա կհրաժարվի… Նա դեռևս հրավերք չի ստացել, դա ինչ-որ բանի մասին խոսում է»,- հայտարարել է Բարնովը:
Հիշեցնենք, որ գործող նախագահի լիազորություններն ավարտվում են նոյեմբերի 17-ին՝ Մարգվելաշիվիի երդմնակալության օրը:
