Աֆղանստանում թմրանյութերի արտադրության մակարդակն այս տարի հասել է ռեկորդային ցուցանիշի: Նշվում է 5500 տոննա ափիոնի կակաչի աճեցման մասին: Այս մասին հայտնում է Թմրանյութերի հարցերով ՄԱԿ-ի գործակալությունը՝ փոխանցում է BBC-ն:
Հայտարարության մեջ նշվում է, որ այդ հումքից կարելի է ստանալ այնքան հերոին, որը կգերազանցի ամբողջ երկրագնդում թմրանյութերի սպառվող քանակը:
Քաբուլում գործակալության ներկայացուցիչը հայտնել է նաև, որ, ըստ ամենայնի, հաջորդ տարի աճեցվող կակաչի քանակը կավելանա՝ կապված այդ երկրից ՆԱՏՕ-ի զորքերի մեծ մասի դուրսբերման հետ:
Հաղորդվում է, որ ափիոնի կակաչի առավել մեծ քանակություն է աճեցվում Հելմանդ գավառում, որտեղ ներկայումս գտնվում են բրիտանական զորքերը:
