Երեկ հարյուրավոր բրիտանացիներ են գնացել երկրորդ համաշխարհային պատերազմի միայնակ վետերան Հարոլդ Պերսիվալի թաղմանը, որը մահացել էր կյանքի 99-րդ տարում ծերանոցում, հայտնում է France Presse-ը:
Մարդիկ սկսել են Անգլիայի հյուսիս-արևմուտքի դիակիզարան գնալ տեղական թերթերից մեկում հայտարարությունից հետո, որում ասվում էր, որ թագավորական ռազմաօդային ուժերում ծառայած միայնակ վետերանի թաղմանը հնարավոր է՝ ոչ ոք չգնա:
Հայտարարությունն արագ տարածվել էր սոցցանցերով, որից հետո վետերանին իրենց հարգանքի տուրքը մատուցելու մտադրության մասին հայտնել էին հարյուրավոր մարդիկ:
Տեղի դիակիզարանը չէր կարողացել տեղավորել մեծաթիվ մարդկանց, որոնցից շատերը ծաղիկներով կանգնել են փողոցում՝ անձրևի տակ:
Թաղումը սկսվել է 1 րոպե լռությամբ, որի ընթացքում ներկաները հարգել են տարբեր պատերազմներում զոհված բրիտանացիների հիշատակը:
