Վատիկանը հայտարարել է, որ առաջին անգամ հրապարակավ կցուցադրի մասունքները, որ ենթադրաբար պատկանել է Պետրոս առաքյալին, գրում է BBC-ի ռուսական ծառայությունը:
Ոսկորները հայտնաբերվել էին 1940-ականներին Վատիկանում պեղումների ժամանակ: Թեև եկեղեցին երբեք պաշտոնապես չի հայտարարել, որ դրանք իրականում պատկանում են Պետրոսին, սակայն Վատիկանի ներկայացուցիչներն ասում էին, որ գիտական թեստերը հաստատել են Պետրոսի գերեզմանի ենթադրյալ վայրը:
Վատիկանում հայտարարել են, որ մասունքները հիմա են ցուցադրվելու, որպեսզի տոնեն նոյեմբերի 24-ով ավարտվող «Հավատի տարին»:
Ավանդույթի համաձայն՝ Պետրոս առաքյալը խաչ է հանվել, իսկ նրա ենթադրյալ թաղվելու վայրում կառուցվել է Վատիկանի Սուրբ Պետրոսի տաճարը:
