Հանգստյան օրերին Ֆիլիպիններում տեղի ունեցած «Հայան» փոթորիկը վերջին 100 տարվա ընթացքում ամեակործանարարն է: Այս մասին հաղորդում է ITAR-TASS-ը` վկայակոչելով ՄԱԿ-ի փորձագետ Ջոն Գինգին:
«Որքան մենք հասկացանք, ողբերգությունից 9.8 մլն մարդ է տուժել: Ըստ զանգվածային ավերածությունների` այն վերջին 100 տարվա ընթացքում ամենաուժգին փոթորիկն է»,- ասել է նա:
Պաշտոնյայի խոսքերով` մի շարք շրջաններ ամբողջությամբ դատարկվել են, առանց տանիքի է մնացել 600 հազար մարդ:
Գինգը հայտնել է նաև, որ ՄԱԿ-ի գլխավոր քարտուղարի մարդասիրական հարցերով օգնական Վալերի Ամոսy Ֆիլիպիններ է մեկնել: ՄԱԿ-ը 25 մլն դոլար է հատկացրել բնակչության համար առաջին անհրաժեշտության ապրանքներ գնելու համար:
«Այժմ մեր ջանքերն ուղղված են հնարավորինս շտապ կերպով մարդասիրական օգնություն տրամադրելուն»,- հավելել է նա:
