13-ամյա տղայի դին հայտնաբերվել է պլաստիկե կոնտեյների մեջ, նրա տան մոտ, Նյու–Մեքսիկոյում, երկու ամիս հետո այն բանից հետո, երբ նրան մահացու ծեծի էր ենթարկել իր մոր սիրեկանը։ Բացի այդ, ըստ ոստիկանության տվյալերի, մահից մի քանի օր առաջ տղան ապրել է շան բնում՝ առանց սնունդի։
Տղայի 35 ամյա մայրն ու նրա 42-ամյա զուգընկերը, վերջինիս 19–ամյա որդու հետ միասին, ձերբակալվել են՝ երեխայի նկատմամբ դաժան վերաբերմունքի համար, ինչը հանգեցրել է վերջինիս մահվան։
Դեռահասը սարսափելի կտտանքների է ենթարկվել, որոնք թվելիս դատավորը չի կարողացել զսպել արցունքները։ Տղան չի կարողացել դպրոց գնալ և միայն ձեռնափայտի օգնությամբ է կարողացել տեղաշարժվել՝ սարսափելի մարմնական կտտանքների ենթարկվելու պատճառով։ Տղան անհետ կորել է նոյեմբերին, սակայն դրա մասին հայտնի է դարձել միայն անցյալ շաբաթ։ Մայրը, ով մեկ այլ գործով արդեն ազատազրկված է, իր խցակից ընկերոջը պատմել է տեղի ունեցածի մասին, վերջինս էլ դիմել է բանտի ղեկավարությանը։
Հիմա բժշկական փորձագետները ստուգում են մահվան ճշգրիտ պատճառը։ Բայց արդեն հայտնի է, որ մահից մի քանի ժամ առաջ մոր սիրեկանը մի քանի հարված է հասցրել երեխայի դեմքին և փորին։
Տղայի մորը՝ Թրեյսինն արդեն զրկել էին ծնողական իրավունքներից2011 թվականին, երեխաներին հանձնելով տատիկի և պապիկի խնամակալությանը, սակայն մի որոշ ժամանակ անց երեխաներին նորից վերադարձրել են մորը։
