YouTube-ի երկու օգտատերեր դոմինոյի 20-25 հազար քարերով ստեղծել են Ռուբեն Գոլդբերգի գործողությունների մեքենայի իրենց տարբերակը: Նրանցից մեկն իր աշխատանքը պատրաստել ու նկարահանել է ԱՄՆ-ում, մյուսը՝ Գերմանիայում: Տեսանյութերն այնպես են կցվել իրար, որ կարծես այնտեղ մեկ ամբողջական մեքենա է ներկայացվում:
Ռուբեն Լյուցիուս Գոլդբերգը (1883-1970) հայտնի գյուտարար և ինժեներ է: Նա «Ռուբ Գոլդբերգի» մեքենայի ստեղծողն է: Այն ներկայացնում է բավականին բարդ սարքը, որը կատարում է պարզ գործողությունների շարք: Տեսանյութում գործողությունների շարքն ավարտվում է դոմինոներից կազմված տախտակի վրա INSANE Domino Tricks (Խելահեղ հնարքներ դոմինոյով) անունը գրվելով: Հենց այդպես էլ վերնագրված է տեսանյութը, որի պատրաստման համար նրանք 3 ամիս են ծախսել:
