Հայաստանի կառավարությունը հավանություն տվեց «Կառավարության կառուցվածքի և գործունեության մասին» Հայաստանի Հանրապետության օրենքի նախագծին, որով, ի թիվս այլ հարցերի, սահմանվում է, որ կառավարության նիստերն անցկացվելու են դռնփակ ռեժիմով։
Արդարադատության նախարար Դավիթ Հարությունյանը, որպես հիմնավորում, նշել է, որ աշխարհում բոլոր երկրների կառավարություններն իրենց նիստերը գումարում են դռնփակ, և միայն այն դեպքում, երբ անհրաժեշտ է հանրությանը տեղեկացնել որոշակի հարցի վերաբերյալ՝ վարչապետի որոշումներով կառավարության նիստերի որոշակի մասերն անցկացվում են դռնբաց:
Փորձագիտական և քաղաքական դաշտում չեն դադարում հնչել մտահոգություններ, որ նոր Սահմանադրությունը ու դրանից բխող բոլոր օրենքները հարմարեցվում են կոնկրետ անձի համար։ Այս կոնտեքստում է դիտարկվում նաև Անվտանգության խորհրդի կառուցվածքի փոփոխությունները, որի համաձայն՝ Անվտանգության խորհրդի կազմում տեղ են գտնելու միայն ուժային կառույցների ներկայացուցիչները՝ Սերժ Սարգսյանի, այսպես ասած՝ յուրայինները։
Թեման քննարկում ենք «Քաղաքացիական գիտակցություն» կազմակերպության ղեկավար, քաղաքագետ Նարեկ Սամսոնյանի հետ։
