Հնդկաստանի Ռոուրքել արդյունաբերական քաղաքի բնակիչները հիանում են 14-ամյա աղջնակով, ով հնազանդեցրել է մի խումբ փղերի:
Ռոուրքել քաղաքը մատնվել էր խուճապի, երբ բնակիչներն իմացել են փղերի գիշերային ներխուժման մասին՝ հաղորդում է BBC-ն:
Անտառային տնտեսության բաժնի չինովնիկները փորձել են թույլ չտալ անկոչ հյուրերի մուտքը, սակայն ընդամենը կարողացել են նրանց մարզադաշտի տարածք քշել:
Ոստիկանները հանկարծ հիշել են Ջարքխանդ նահանգում բնակվող աղջնակի մասին, ով իբր կարողանում է խոսել փղերի հետ:
Ռոուրքել ժամանելով՝ 14-ամյա Նիրմալա Տոպոն աղոթել է, ապա սկսել «շփվել» փղերի հետ: Աշակերտուհին աստիճանաբար փղերին դուրս է բերել մարզադաշտից, հետո նաև քաղաքից: Նա փղերի հետ բավականին երկար ճանապարհ է անցել, որի ընթացքում ոտքերին վերքեր են գոյացել: Սակայն Նիրմալան չի բողոքում:
Աղջիկը որոշել է սովորել հնազանդեցնել փղերին այն բանից հետո, երբ նրա մորը սպանել են վայրի փղերը:
