Ամերիկացի դերասանուհի Անջելինա Ջոլին ՄԱԿ-ի Անվտանգության խորհրդի (ԱԽ) անդամներին առաջարկել Է այցելել Մերձավոր Արևելքում սիրիացի փախստականների ճամբարներ և միջոց գտնել վերջ դնելու հակամարտությանը մերձավորարևելյան հանրապետությունում:
Ինչպես հունվարի 29-ին լրագրողներին հայտնել Է ՄԱԿ-ի գլխավոր քարտուղարի պաշտոնական ներկայացուցչի տեղակալը, հոլիվուդյան աստղը, որը համաշխարհային կազմակերպության բարի կամքի դեսպան Է, հունվարի 28-ին մամուլի ասուլիս Էր հրավիրել Հորդանանում փախստականների Զաաթարիի ճամբարում, որի ընթացքում կոչ Է արել Սիրիայում ճգնաժամը կարգավորել երկրի քաղաքացիների իրավունքների հաշվառմամբ:
«Ես ցանկանում եմ Անվտանգության խորհրդի անդամներին կոչ անել ժամանելու տարածաշրջան, այցելելու փախստականների ճամբարներ և քաղաքներում նրանց բնակության վայրեր և, վերջապես, գտնելու միջոց, թե ինչպես օգտագործել ՄԱԿ-ի և միջազգային հանրակցության հեղինակությունն այս հակամարտության կարգավորման համար»,- ասել Է դերասանուհին:
Նրա խոսքով՝ Սիրիայում քաղաքական գործընթացի գործարկումը «միակ միջոցն Է պայմաններ ստեղծելու իրենց տները սիրիացիների վերադարձի, տառապանքների դադարեցման և փախստականներ ընդունող երկրների ծանրաբեռնվածության նվազեցման համար», հաղորդել Է ՏԱՍՍ-ը:
