Նախկին ամուսիններ Բրեդ Փիթն ու Անջելինա Ջոլին տևական ժամանակում առաջին անգամ եկել են համաձայնության։
Փետրվարին Բրեդ Փիթն ու Անջելինա Ջոլին կհանդիպեն դատարանում, որտեղ կլուծեն 6 երեխաների նկատմամբ խնամակալության հարցը։ Անջելինան նախկինում փաստաթղթերում նշել էր, որ մտադիր է հասնել երեխաների նկատմամբ լիարժեք իրավական և ֆիզիկական խնամակալության։ Փիթը մի քանի անգամ փորձել է վիճարկել դատարանում Անջելինայի հայցը և հասնել համատեղ խնամակալության իրավունքի։
Մոտ 1.5 տարի անց նախկին ամուսիններին հաջողվել է համաձայնության գալ։ Ջոլին պատրաստ է այն բանին, որ Փիթը ստանձնի ծնողական պարտականությունների մի մասը։ Փիթը նաև կստանա հնարավորություն ավելի շատ ժամանակ անցկացնելու երեխաների հետ և մասնակցելու նրանց դաստիարակությանը։
