Գործի բերումով Լոնդոնում գտնվելու օրերին՝ Պամելա Անդերսոնը որոշել է հյուր գնալ հին ընկերոջը: Վերցնելով օրգանական սնունդով լի տապրակները՝ դերասանուհին ուղևորվել է Էկվադորի դեսպանատուն. այնտեղ 2012 թվականից բնակվում է Wikileaks-ի հիմնադիր Ջուլիան Ասանժը, ում այստեղ քաղաքական ապաստան են տվել:
Պամելան սկսել է այցելել Ջուլիանին 2016-ի դեկտեմբերին և անում էր դա այնքան կանոնավոր կերպով, որ ԶԼՄ-ները սկսեցին գրել նրանց միջև սիրավեպի մասին: Այդ ժամանակ նորությունների հերոսները որոշեցին մեկնաբանել ստեղծված իրավիճակը, բայց պարզ պատասխան այդպես էլ չտվեցին: «Նա շատ ծանր պայմաններում է ապրում, այնպես որ ես ուրախ եմ նրան ժպիտ նվիրել, նրա կյանքում մի քիչ գեղեցկություն մտցնել»,- ասել է Պամելան: «Նա շատ հմայիչ է, գրավիչ ու խելացի…»,- մեկնաբանել է Ասանժը, հաստատելով, որ իրոք, Պամելան նրա կյանք գեղեցկություն է բերում:
Նա հրաշալի տղամարդ է: Չեմ ուզում խոսել մեր հարաբերությունների ռոմանտիկ կարգավիճակի մասին: Եկեք ասենք, որ մենք պարզապես լավ ընկերներ ենք,- ասել է Պամելան անգլիական Grazia ամսագրին: Իսկ դրանից մի քանի ամիս հետո արդեն հրապարակել է այն տղամարդու անունը, ում հետ նրան իրոք ռոմանտիկ հարաբերություններն են կապում. դա ֆրանսիացի ֆուտբոլիստ Ադիլ Ռամին է: Հանուն մարզիկի հետ սիրավեպի Պամելան նույնիսկ բնակության է տեղափոխվել Ֆրանսիայի հարավ:
