Մի քանի օր առաջ Երևանում էր Արցախի թեմի առաջնորդ Պարգև Սրբազանը: «Ժողովուրդ» օրաթերթի տեղեկություններով՝ այս անգամ նա հատուկ «առաքելությամբ» էր եկել: Բանն այն է, որ այժմ լրջորեն քննարկվում է ԼՂՀ նախագահ Բակո Սահակյանին ՀՀ վարչապետ նշանակելու հարցը, որպեսզի նա առանց խոչընդոտի դառնա Սերժ Սարգսյանի իրավահաջորդը: Եվ, ըստ թերթի տեղեկությունների, այդ ամենի «միջնորդական առաքելությունն» իրականացնում Է հենց Արցախի թեմի առաջնորդը: Այս առիթով «Ժողովուրդ»-ը զրուցել է Պարգև սրբազանի հետ:
–Սրբազան, մենք տեղեկություններ ունենք, որ Դուք օրերս հանդիպել եք ՀՀԿ առաջնորդ Սերժ Սարգսյանի հետ: Խնդրում եմ նշել, թե որն Է եղել Ձեր հանդիպման նպատակը և ինչո՞ւ էիք եկել Հայաստան:
-Իմ դպրոցի 50-ամյակն Էր, ինչի պատճառով էլ ես եկել Էի Հայաստան: Ես Սերժ Սարգսյանի հետ հանդիպում չեմ ունեցել:
–Այնուամենայնիվ, մենք տեղեկություններ ունենք, որ Սերժ Սարգսյանի հետ քննարկում եք ունեցել՝ կապված Բակո Սահակյանին ՀՀ վարչապետ նշանակելու և ընդհանրապես ղարաբաղյան կլանի…
-Արդեն ասացի, որ ես Սերժ Սարգսյանին չեմ տեսել: Սերժ Սարգսյանն ինչո՞ւ պետք Է ինձ հետ այդպիսի հարցեր քննարկի: Անգամ ծիծաղելու բաներ են դրանք: Սերժ Սարգսյանի հետ չեմ հանդիպել, ու դրա կարիքը նա չունի:
–Բայց այժմ քաղաքական կուլիսներում խոսակցություններ են շրջանառվում այն մասին, որ Սերժ Սարգսյանի իրավահաջորդը լինելու Է Բակո Սահակյանը, ու Դուք ՀՀԿ առաջնորդի մոտ նրա լոբբինգով եք զբաղված:
-Եվ Դուք հավատո՞ւմ եք այդպիսի հեքիաթներին: Դա կատարյալ հեքիաթ Է:
–Գաղտնիք չէ, որ Դուք մշտապես քաղաքական հարցերի վերաբերյալ Ձեր տեսակետն եք հայտնել, կարելի է ասել՝ միջամտել եք քաղաքական հարցերին, ու այս անգամը ևս բացառություն չէ: Ինչո՞ւ եք Ձեր «լիազորություններից» դուրս գործունեություն իրականացնում:
-Ես ի՞նչ իրավունք ունեմ նման հարցերի խառնվել: Դա իմ ոլորտը չէ: Ես եկել եմ Հայաստան իմ 132 դպրոցի 50-ամյակի համար ու հետ եմ գնացել: Իսկ այն, ինչ Դուք ասում եք, ինձ համար անծանոթ բաներ են: Դրանք իմ ոլորտին չեն առնչվում:
Հարցազրույցն ամբողջությամբ՝ կարդացեք «Ժողովուրդ» օրաթերթի այսօրվա համարում:
