Google ընկերությունը դիտարկիչների համար թարմացրել է Google Maps քարտեզները: Այս մասին հաղորդվում է Lat Long պաշտոնական բլոգում: Թարմացումը ծառայություն է վերադարձրել դեղին մարդուկ Պեգմանին, որը համարվում է Google Street View փողոցային համայնապատկերների ծառայության խորհրդանիշ:
Մարդուկով պանելը նոր վայրում է հայտնվել: Եթե նախկինում այն գտնվել է էկրանի վերին ձախ անկյունում, ապա այժմ տեղափոխվել ներքևի աջ անկյուն:
Պեգմանը կիրառվում է քարտեզներում համայնապատկերների դիտման ռեժիմի անցնելու համար: Դրա համար պետք է մկնիկի օգնությամբ մարդուկին վերցնել և տեղավորել քարտեզի անհրաժեշտ հատված:
2013-ի մայիսին Google-ը ներկայացրել էր քարտեզի նոր ինտերֆեյս, որում Պեգմանը բացակայել է: