«Սոցիալական» նորությունների Digg պորտալը գործարկել է տեսանյութերի բաժին: Այս մասին տեղեկությունը հայտնվել է ռեսուրսի պաշտոնական բլոգում:
Նոր բաժինը գտնվում է digg.com/video հասցեում և իրենից ներկայացնում է համացանցում ամենահետաքրքիր և մեծ ժողովրդականություն վայելող տեսանյութերի ագրեգատոր:
Ներկայում տեսանյութերի դիտումը հասանելի է միայն կայքի վեբ տարբերակի օգտատերերին, սակայն մոտ ժամանակներս այն հասանելի կլինի նաև iOS և Android ՕՀ-ների համար Digg-ի հավելվածներում:
Բաժնում հայտնված հոլովակների միջին երկարությունը կազմում է 3-4 րոպե:
The Verge պարբերականի տեղեկություններով՝ Digg-ի վարչակազմը ծրագրում է օրական մոտ 2 տասնյակ նման տեսահոլովակ հրապարակել: Բաժնի ամենահայտնի տեսանյութերը կհայտնվեն նաև digg.com-ի գլխավոր էջում:
Տեսանյութերի բաժնի ստեղծումը դարձել է վերջին շրջանում Digg-ի երկրորդ խոշոր նորարարությունը: 2013-ի ամռանը ներկայացվել էր Digg Reader ընթերցիչը: