Ճանապարհային ոստիկանության առաջին սպայական գումարտակի ծառայողները ուժեղացված ծառայության ընթացքում ՃՈ հատուկ պահպանվող տարածք են տեղափոխել 190 տրանսպորտային միջոց:
Ինչպես տեղեկացրին ՀՀ ոստիկանության հասարակայնության հետ կապի և լրատվության վարչությունից, հունվարի 8-14-ը Երևանում իրականացվել է ուժեղացված ծառայություն, որի նպատակն էր երթևեկության անվտանգության ապահովումը, օրենքի և օրինականության գերակայության ամրապնդումը և երթևեկության մշակույթի բարելավումը:
«Ուժեղացված ծառայության ընթացքում ճանապարհային ոստիկանության 190 տրանսպորտային միջոց, որոնցից մեկի խլացուցիչը առանց համապատասխան թույլտվության վերասարքավորված է եղել բարձր ձայնով երթևեկելու համար, 55 մեքենաների վարորդները մեքենաները վարել են ոչ սթափ վիճակում, 34-ը՝ համապատասխան փաստաթղթեր չունենալու և այլ խախտումների համար»,- նշված է հաղորդագրությունում:
Նույն ժամանակահատվածում 13 վարորդի նկատմամբ վարչական իրավախախտման վերաբերյալ համապատասխան արձանագրություն է կազմվել տրանսպորտային միջոցների առջևի հողմապակու լուսաթափանցելիության չափի խախտման համար, որից 8-ը խախտումը վերացրել են տեղում:
«Մարզերում հունվարի 8-14-ն ընկած ժամանակահատվածում ՃՈ ճանապարհապարեկային ծառայության 2-րդ սպայական գումարտակի ծառայողների կողմից իրականացված ուժեղացված ծառայության ընթացքում Ճանապարհային ոստիկանության հատուկ պահպանվող տարածք է տեղափոխվել 50 տրանսպորտային միջոց, որոնցից 48-ի վարորդները մեքենան վարել են ոչ սթափ վիճակում: Երեք վարորդ մեքենան վարել են ժամկետը լրացած ԱՊՊԱ պայմանագրով, 57-ի նկատմամբ վարչական իրավախախտման վերաբերյալ արձանագրություն է կազմվել հողմապակու լուսաթափանցելիության չափի խախտման, իսկ 10 վարորդի նկատմամբ՝ երթևեկության ընթացքում տրանսպորտային միջոցից տարբեր իրեր և առարկաներ նետելու համար»-, ասված է հաղորդագրությունում:
