ԱՄՆ պաշտպանության նախարարությունը ցուցադրել է USSCarney ականակիր նավը Սև ծովում պարեկության ժամանակ։

«Սևծովյան երկինք։ Carney ականակիր նավը Սև ծովում՝ դաշնակիցերի աջակցության և Եվրոպայում ԱՄՆ ազգային շահերի շրջանակում պարեկման ժամանակ»,-ասվում է Պենտագոնի թվիթերյան հաղորդագրությունում։ Լուսանկարն արվել է հունվարի 7-ին։

Հունվարի 3-ին ամերիկյան ականակիրը դուրս էր եկել իտալական Բրինդիզի նավահանգստից, որտեղ կանգ էր առել Ամանորին, և ժամանել Օդեսա, որտեղ կմնա մինչև հունվարի 11-ը։ Ավելի վաղ հաղորդվել էր, որ այդ այցի նպատակն է ծովում անվտանգության ապահովման գործողությունների անցկացումը։













































