Bloomberg-ը ներառել է Վրաստանը 2018-ի ամենաթեժ զբոսաշրջային ուղղությունների շարքում։ Ընդհանուր առմամբ թվարկված է 22 ուղղություն, որոնք Bloomberg-ը «ամենագրավիչներն է» համարում և իր ընթերցողներին խորհուրդ է տալիս այցելել, որպեսզի «լավ արձակուրդը վերածեն անմոռանալիի»։
Ինչպես պարզաբանում են նյութի հեղինակները՝ ցուցակը կազմվել է՝ հաշվի առնելով «մշակութային տեսարժան վայրերը, հյուրանոցային և ռեստորանային սպասարկումը»։ Հոդվածում նաև առաջարկություններ կան, թե ցուցակի որ երկիրը տարվա որ եղանակին է ավելի լավ այցելել։
Վարկանիշային աղյուսակում Վրաստանը գրավում է յոթերորդ տեղը։ Այցելել այս երկիր մասնագետները խորհուրդ են տալիս գարնանը՝ ապրիլ–հունիս ամիսներին, կամ տարեվերջին։
Վրաստանի մայրաքաղաքը նյութի հեղինակներնը՝ «ամուր ոգով և ստեղծարար էներգիայով» լի քաղաք են անվանում։
Հեղինակները վստահեցնում են, որ Վրաստանը հատկապես կգրավի գինու սիրահարներին։
