Սոցիալական հոգեբան Էմի Կադին ասում է, որ մեր ժեստերն են որոշում, թե ինչ են մեր մասին մտածում շրջապատի մարդիկ։ Բացի այդ, դրանք ազդում են մեր ինքնավստահության վրա։ Պարզվում է՝ նույնիսկ կան դիրքեր, որոնք կարողանում են ուղեղին տրամադրել հաղթանակի։ Այս մասին հայտնում է AdMe.ru-ն։
Ներկայացվում են մի քանի դիրքեր, որոնք պետք է ընդունել ընդամենը 2 րոպե՝ սթրեսի մակարդակը նվազեցնելու և հաջողությանը հավատալու համար։
Մարմնի լեզուն ազդում է այնպիսի կարևոր իրադարձությունների վրա, ինչպիսիք են պաշտոնի բարձրացումը, ելույթը հանրության առջև և զրույցը։ Բացի այդ, ժեստերն ու դիրքերը ազդում են հենց մեզ վրա՝ մտքերի և զգացմունքների։
Հաջողության կամ հաղթանակի ժամանակ մենք վեր ենք բարձրացնում ձեռքերը՝ ցանկանալով ավելի շատ տարածություն զբաղեցնել, իսկ անզոր զգալիս՝ կծկվում։
Հոգեբանը փորձ է անցկացրել. մասնակիցները 2 րոպե ընդունել են «ուժեղ» և «թույլ դիրքեր»։ Պարզվում է՝ նույնիսկ այդ կարճ ժամանակահատվածում տեստոստերոնի մակարդակն «ուժեղ դիրք» ընդունողների մոտ բարձրացել է 20 տոկոսով և ընկել նույնքան «թույլ դիրք» ընդունած մասնակիցների մոտ։
Երբեմն որոշ «ուժեղ դիրքեր» կիրառելի չեն հանրության մեջ, այդ իսկ պատճառով խորհուրդ է տրվում սթրեսային իրավիճակից առաջ միայնակ մնալ և երկու րոպե ընդունել «ուժեղ դիրք»։
