Ինչպես ազատվել խումհարից

Բրիտանացի գիտնականները (Արևմտյան Անգլիայի համալսարան) հայտարարում են, որ խումհարից փրկության միջոց են գտել: Գաղտնիքը թաքնված է կարտոֆիլի խյուսի մեջ:

Ինչպես հայտնել են գիտնականները, մինչ ոգելից խմիչք օգտագործելը խյուսը պետք է ուտել մեծ քանակությամբ բուսայուղով: Մի քանի գդալ խյուսը բավարար կլինի՝ տոնական կերուխումի տհաճ հետևանքներից խուսափելու համար: Այս մասին փոխանցում է «Ուկրաինա» հեռուստաալիքը:

Նրանք խորհուրդ են տալիս դատարկ ստամոքսին ալկոհոլ չօգտագործել: Նրանց խոսքով՝ սնունդը հանդես է գալիս անվտանգության բարձիկի դերով՝ հարբում ես ավելի դանդաղ, խումհարը հաղթահարում ավելի հեշտ: