Երեկ Քեթրին Հեյգլն ու նրա ամուսինը՝ Ջոշ Քելլին նշել են համատեղ կյանքի 10-րդ հոբելյանը։ Այդ առիթով դերասանուհին սոցցանցում տեղադրել է երկու նկարներից կազմված կոլաժ, որոնցից մեկն արել է այն ժամանակ, երբ նրանց հարաբերությունները նոր էին սկսում ձևավորվել, իսկ երկրորդ լուսանկարն արվել է վերջերս։
Կոլաժն ուղեկցվել է մեծ, բաց նամակով, որում Քեթրինը կիսվել է ընտանեկան կյանքից մանրամասներով։ Ինչպես պարզվել է՝ զույգի հարաբերություններում սկզբում ամեն ինչ այնքան էլ հարթ չի եղել։
«Եղել են պահեր, երբ ես մտածել եմ, որ մենք կամուսնալուծվենք։ Երբեմն ցանկացել եմ վերցնել բարձն ու խեղդել նրան գիշերվա կեսին։ Բայց ահա, թե ես ինչ կասեմ Ձեզ։ Որքան շատ ժամանակ եմ ես անցկացնում այդ տղամարդու հետ, այնքան խորապես սկսում եմ հասկանալ, որ նա իմ լավագույն մասն է»,-նշել է դերասանուհին։
Քեթրինը հավելել է, որ իրենց առաջին հանդիպումից ի վեր քիչ բան է փոխվել՝ նա թողել է ծխելն ու գիրացել։ Զգացմունքները նույնն են մնացել և միայն ամրապնդվել։ «Մտորումների խաղաղ պահերին ես մեծ երախտապարտություն եմ զգում այն բանի համար, որ ամուսնացել եմ այդ տղամարդու հետ, ով ունի մեծ և կարեկցող սիրտ»,-գրել է նա։
