Ռուսաստանում Հայաստանի դեսպանությունը ճշտում է Մոսկվայում տեղի ունեցած դժբախտ պատահարի հետևանքով տուժածների թվում հայերի և ՀՀ քաղաքացիների առկայության մասին տեղեկատվությունը: Այս մասին նշվում է ՌԴ-ում Հայաստանի դեսպանատան ֆեյսբուքյան էջում:
Մոսկվայում երթուղային ավտոբուսը դեկտեմբերի 25-ին հայտնվել է ստորգետնյա անցումում: Ճանապարհատրանսպորտային պատահարը տեղի է ունեցել մետրոյի «Սլավյանսկի բուլվար» կայարանի մոտ, որտեղ գտնվում էին մեծ թվով մարդիկ:
Ռուսաստանում ՀՀ դեսպանությունը ցավակցություն է հայտնել զոհվածների ընտանիքներին և բարեկամներին:
Վթարի հետեւանքով զոհվել է չորս մարդ, ևս ինը վնասվածքներ են ստացել: Ոստիկանությունը դիտարկում է վթարի պատճառների երկու վարկած:
Մոսկվայի քաղաքապետ Սերգեյ Սոբյանինը հայտնել է, որ երկու հոգի հիվանդանոցում են գտնվում ծայրահեղ ծանր վիճակում: Վթարից հետո Կուտուզովյան պողոտայում ավելի քան 3 կիլոմետր երկարությամբ խցանում է գոյացել:
