Սուրճի խանութների՝ աշխարհում խոշորագույն Starbucks ցանցը կարող է դանդաղեցնել զարգացման տեմպերը՝ գրում է The Financial Times-ը: Վերլուծաբանների կանխատեսումներով՝ վաճառքի աճը հաջորդ տարի կդանդաղի:
Ընկերության գլխավոր տնօրեն Հովարդ Շուլցը հակառակ կարծիքին է: Նա կարծում է, որ վաճառքը մինչև 2014-ի սեպտեմբեր կաճի 5 տոկոսով:
Starbucks-ը մոտ 20 հազար խանութ ունի, ինչը, ղեկավարության կարծիքով, աճի զգալի տեմպերի ապացույց է: Վերջին եռամսյակում ընկերության եկամուտն աճել է 13 տոկոսով՝ հասնելով 3.8 միլիարդ դոլարի, իսկ մաքուր շահույթը 34 տոկոսով՝ հասնելով 481 մլն դոլարի:
Ընկերության ղեկավարությունը ներդրողներին կոչ է արել չանհանգստանալ:
