ԳԽ, ԱԺ նախկին պատգամավոր Աղասի Արշակյանը իշխանություններին կոչ է անում Զանգակատնից մի պահ իջնել, զգոն լինել, արմատական, թռիչքային բարեփոխումներ կատարել, այլապես, 15 տարի հետո, հաշվի առնելով ժողովրդագրական ցուցանիշը, կարող ենք ունենալ ընդամենը 850-950 հոգանոց գերմիլիտարիզացված հողակտոր, որին անգամ հայրենիք կոչելը դժվար կլինի։
«Հիմա պետք է աչքներս լայն բացենք, խղճներիս հետ հաշվի նստենք, չի կարող սենց շարունակվել, ելքեր պիտի փնտրել»։
Անդրադառնալով հարցին, թե ի՞նչ կարող են անել խորհրդարանական, արտախորհրդարանական ուժերը, Աղասի Արաշակյանը ասաց․
«Ո՞ւր է էստեղ ընդդիմություն, մի փոքրաթիվ՝ 8-9 հոգանոց ընդդիմություն կա խորհրդարանում, հարգում են նրանց գոյությունը, բայց բան չեն կարող փոխել։ Մեզ էս օրը հասցրել է խաբեությունը, հավատի կողոպուտը, ովքե՞ր մեզ հասցրեցին այս օրը, նրանք ովքեր մեծամեծ խոստումներ տալով, խաբելով ժողովրդի մի զգալի հատվածին, նրանց առաջնորդելով, նրանց գլխի վերևում ման գալով, բոլորին քցեցին, խաբեցին։ Ես էդ տեսակ մարդկանց համարում եմ հավատի գողեր, հայրենիք խլողներ։ Մարդիկ իրանք մասնակից դառան ընտրություններին, խաբեությանը, հետո տեսան, որ խաբված են, իրենց նամուսը հավաքել են՝ թողում են, գնում են։ Դուք գիտեք՝ ովքեր են դրանք, բոլորին էլ գիտեք, նրանք են, ովքեր խաբեցին, իրենց խիղճը ծախեցին, հետո իրենց ընկերներին էլ փաթեթով ծախեցին, հետո էլ համապատասխան տաքուկ տեղերում իրենց տեղերը գտան։ Էն մարդիկ, ովքեր 250-300 հազար ձայներ էին ստանում, հետո էդ մարդկանց խափում էին։ Ընտրողը ինչի է արտագաղթում, գիտի, որ խաբվել է, իրեն պատասխանտու է զգում երկրում ստեղծված իրավիճակի համար, կամ էլ՝ 5000 դրամ է վերցրել, ամոթից գնում է»,- շեշտեց նա։
ԱԺ նախկին պատգամավորի խոսքերով ՝ Հայաստանում ներքևից հեղափոխություն այլևս չեն կարող անել, հեղափոխությունը պիտի լինի վերևից, այնտեղ կանգնած մի խումբ մարդկանց հետևություններ անելու արդյունքում։
Անդրադառնալով հարցին՝ արդյո՞ք վտանգավոր չէ այն, որ տեսնում ենք նաև ծայրահեղական մոտեցումների ավելացում, քանի որ շատերը քաղաքական զինանոցում այլևս պայքարի միջոց չեն գտնում, վերջերս նաև ԱԱԾ-ն հաղորդագրություն էր տարածել ահաբեկչական գործողությունների նախապատրաստման վերաբերյալ, Աղասի Արշակյանն ասաց․
«Մարտի 1-ի դեպքերից հետո մամուլի ակումբում մի քննարկում եղավ, մեր ընդդիմախոսն էլ այդ ժամանակ, կարծեմ, Գագիկ Մինասյանն էր, ես ասացի ՝ ընդդիմության գործողություններ ծնողներդ, դուք պետք է առաջին քայլը անեք, եթե էդ բաները հիմա չարվի, շատ շուտով, հնարավոր է, ուժ գործադրողների նկատմամբ բռնություն կիրառեն իրենց մուտքերում։ Անցավ 3 ամիս, եղավ հայտնի փոխոստիկանապետի սպանությունը։ Չեմ ուզում հոռետեսական կանխատեսումներ անեմ, ընենց ոնց որ Սահմանադրական դատարնում 1996 թ-ին, երբ որ հայցվոր էի, աղաչում էի, որ անօրինական որոշում չանեն։ Լևոն Տեր-Պետրոսյանը մեր բոլոր ժամանակների ամենալեգիտիմ նախագահն է եղել, բայց առաջին ժամկետում։ 1996 թ-ին ինքը չի ընտրվել, բայց Սահմանադրական դատարանը լիազորությունները ճանաչեց։ Ես ասում էի, եթե ճանաչեք լիազորությունները, ժողովրդից կգողանաք ամենաթանկ բանը՝ հավատը վաղվա օրվա նկատմամբ, և առաջիկա 15-20 տարում, ՀՀ-ում, ոչ որպես էդպիսին, ընտրություններ չեն լինի, այլ զզված, հիասթափված մարդիկ կգնան Հայաստանից։ Մեր բոլոր դժբախտությունների մեջ մեծ մեղք ունի Սահմանադրական դատարանը՝ իր Գագիկ Հարությունյան նախագահով, որին վերջապես կուղարկենք թոշակի, կտեսնեք՝ կպրծնե՞նք դրանցից, թե՞ չէ»,- ասաց նախկին պատգամավորը։
Մանրամասները՝ տեսանյութում։
