Ֆրանսիայի նախագահը սիրիական հարցում կոշտ դիրքորոշում է դրսևորել։ Էմանուել Մակրոնն անընդունելի է անվանել Սիրիայի նախագահ Բաշար Ասադի հայտարարությունը, ով երեկ Փարիզին մեղադրել էր ահաբեկչությանն աջակցելու մեջ։ Մակրոնն ընդգծել է, որ միայն միջազգային կոալիցիան է Սիրիայում իսկապես պայքարել ԴԱԻՇ-ի դեմ։ Այս մասին հայտնում է ru.rfi.fr-ը։
«Ռազմական պլանում մեր առաջնահերթությունը պատերազմն է ԴԱԻՇ խմբավորման դեմ։ Այդ իսկ պատճառով (Բաշար Ասադի) խոսքերն անընդունելի են։ Եթե ինչ-որ մեկը պայքարել է և կարող է փետրվարի վերջին հաղթանակ տանել ԴԱԻՇ-ի նկատմամբ, դա միջազգային կոալիցիան է։ Մնացածի մոտ ամեն ինչ ոչ միանշանակ է։ Մյուսների մոտ եղել են առաջնահերթություններ՝ հարված հասցնելու իրենց հակառակորդներին, այլ ոչ թե ահաբեկիչներին։ Մենք հետևողական ենք եղել ամենասկզբից, քանի որ մեր միակ թշնամին ԴԱԻՇ-ն է»,-ընդգծել է Մակրոնը ՆԱՏՕ-ի գլխավոր քարտուղար Յենս Սթոլթենբերգի հետ բանակցություններից հետո։
«Սիրիացի ժողովուրդը թշնամի ունի, նրան Բաշար են կոչում։ Այդպիսին է իրականությունը»,-հավելել է Ֆրանսիայի նախագահը։
Մակրոնը կարծում է, որ հակամարտությունից դուրս գալու համար անhրաժեշտ է, որպեսզի բանակցային սեղանի շուրջ նստեն ինչպես Ասադի ներկայացուցիչները, քանի որ նա գտնվում է իշխանության ղեկին, այնպես էլ ընդդիմության ողջ սպեկտրը։
